Алматыдағы ҚБТУ ғимаратынан өрт шықты

Алматыдағы ҚБТУ ғимаратынан өрт шықты. Құтқарушылар өртті сөндіріп жатыр, - деп хабарлайды Massaget.kz тілшісі.

Алматы ТЖД бастығының орынбасары Чайзада Бағдад ТЖ департаментінің күштері мен құралдары Қазақстан-Британ университеті (ҚБТУ) ғимаратындағы өртке қарсы жұмыс істеп жатқанын айтты.

Өртті ауыздықтау 1951-1957 жылдары салынған, бес қабаттан тұратын ҚазКСР Жоғарғы Кеңесінің бұрынғы ғимаратының (Үкімет үйі) күрделі конструктивтік ерекшелігіне байланысты күрделене түскен.

"Жасырын жану ошақтары бар. Өрт әлі оқшауланған жоқ", - деді Алматы ТЖД басшысының орынбасары.

Алдын ала мәліметтер бойынша, төртінші қабаттағы бөлмелердің бірінде төбе жабыны жанып жатыр.

Сурет: Куәгерлерден

Өрт орнында жедел штаб құрылды. Өртті сөндіру үшін күштер мен құралдарды көбейту тапсырылған.

Өрт орнында Алматы ТЖД 78 құтқарушы және 28 техника жұмыс істеп жатыр.

Суреттер: ТЖД

Аптаның басты оқиғалары мен пайдалы видеоларды көру үшін YouTube арнамызға жазылыңыз