Алматыда болған жер сілкінісінен кейін сейсмологтар мәлімдеме жасады, - деп хабарлайды Massaget.kz тілшісі.
Сейсмологиялық байқау және зерттеулер ұлттық ғылыми орталығы директорының ғылым жөніндегі орынбасары Ерік Әліпұлының айтуынша, 4 желтоқсанда сағат 12:44-те Қытай аумағында жер сілкінісі тіркелген.
"Қалыптасқан сейсмикалық жағдайды талдай келе, сағат 15:00-де Алматы болжау полигонында сейсмикалық жағдай тұрақты. Алматы болжам полигоны аумағында сейсмикалық шкала бойынша қатты жер сілкіністері күтілмейді", - деді ол.
Алматыдағы жер сілкінісі туралы не белгілі?
Еске салайық, ТЖМ "Сейсмологиялық зерттеу институты" ЖШС сейсмикалық станциялар желісі 4 желтоқсанда Астана уақытымен сағат 12:45-те Алматыда жер сілкінісін тіркеді.
Жер сілкінісінің ошағы Қытай аумағында, Алматы қаласынан оңтүстік-шығысқа қарай 277 шақырым жерде орналасқан.
Кейінірек Алматыда жер сілкінген кездегі сурет-видеолар пайда болды.
Алматыда болған жер сілкінісінен кейін полиция көліктері, өрт сөндіру бөлімдерінің арнайы техникалары қала аумағын аралап, тексеріп жатыр.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова