Алматы қаласының бизнесті қолдау және дамыту Картасы аясында мегаполис әкімі Бауыржан Байбекке түрлі салаларда қолданылатын трейлер шығаратын Қазақстандағы жалғыз цех таныстырылды. Кәсіпорынның қуаттылығы - жылына 60 автотіркеме шығару. Бұл туралы Алматы қаласы әкімінің баспасөз қызметі хабарлады.
«Жоба осыдан 4 ай бұрын жүзеге асты, соның өзінде Мәскеу мен Кипрден тапсырыс түсіп отыр. Мұнда бөлшектер жиналады, біз дөңгелек, шасси, пластика мен металлды ғана аламыз, қалғандарының барлығы қазақстандық өнімдер. Металлокаркасты, бөлшектерді құрамыз және көше кафелеріне қажет трейлердің ішін өзіміз әрлейміз.Цехта небәрі 32 адам жұмыс істейді» - деп атап өтті «Алматының автотіркемелер зауыты» ЖШС директоры Андрей Шенцов.
Нарыққа тіркемелер шығарумен қатар зауыт өзінің жеке «Strelka» өнімін де шығаруда. Бұлар көшпелі шағын асханалар желісі, оны өз бизнестерін дамытуға ниет еткен жас кәсіпкерлерге сату жсопарланған. Тіркемелер арнайы қондырғылармен жабдықталады, бақылау камерасы, тамақ пісіретін шағын плиталар мен кофе машиналар орнатылады.
Б.Байбек «жасыл технология» бойынша тұрмыстық химияны шығаратын Индустриализация картасының екінші бесжылдығы аясында өткен жылдың қараша айында іске қосылған «Doctor Green» ЖШС болды. Мұнда экологи ялық таза және табиғи экстракт тар қолданылады. Өнім бағасы осыған ұқсас европалық берндтерден 15-о 50%-ға төмен. Бұған қазақстандық шикізаттарды, автоматты қондырғыларды және электрэнергиясының 30% қолдану арқасында қол жетіп отыр. Кәсіпорынның өндірістік қуаты - жылына 4700 тонна өнім шығару. Осының арқасында Алматы тазалағыш заттармен қамтылған. 50 жаңа жұмыс орнын құрған компания өз өнімдерін ТМД елдеріне экспорттауды жоспарлап отыр.
«Кәсіпорынды дамытып, жұмыс орнын ұлғайтуды көздеп отырмыз.Егер сапа мәселесін сөз етсек, европалық компаниялармен салыстырғанда обыр ауруын тудыратын жасыл консервантты пайдаланбаймыз. Өнім - толықтай отандық өндіріс нәтижесі», - деді кәсіпорын басшысы Мадияр Тоқмұратов.
Атап өтерлдік жайт, бизнесті қолдау және дамыту Картасының екінші бесжылдығына құны 175,3 млрд. болатын 80 жоба енген, бұлар жүзеге асса жаңадан 11 374 жұмыс орны пайда болады. 2015 жылы құны 4,7 млрд. теңге болатын 7 жоба іске қосылып, 269 жұмыс орны ашылған еді.
Жалпы, кәсіпркерлікті қолдау Картасының екінші бесжылдығында құны 32,2 млрд. теңге болатын 21 жоба іске асып, 2 262 жұмыс орны ашылды.