Алматыда тегін 12 мұз айдыны ашылады

1 желтоқсаннан бастап Алматыда 12 ашық мұз айдыны ашылады. Барлық ниет білдіруші қаланың әртүрлі ауданында орналасқан алаңдарда мұзда сырғанай алады, - деп хабарлайды Massaget.kz тілшісі.

Мұз айдындарының мекенжайлары:

• Республика сарайының алдындағы Абай алаңы;
• Halyk Arena;
• 28 панфиловшылар саябақ;
• Тұңғыш Президент саябағы;
• Наурызбай әкімдігінің алдындағы алаң;
• ҚБТУ тұрағы;
• "Авиатор" стадионы;
• Көкжиек ықшамауданы;
• "Гүлдер" саябағы;
• Алматы Арена;
• №6 оқушылар үйі;
• Ғ.Мүсірепов атындағы БЖТ алдында.

Алматы әкімдігінің хабарлауынша, мұз айдындарының ауданы 500-ден 1900 м2-ге дейін, бір маусымда 300 мыңнан астам адамды қабылдай алады.

Мұз айдындарында конькиді жалға беру пункттері жұмыс істейді. Жалға алу құны сеанс үшін 1,5 мың теңге (2 сағат), жұмыс күндері 10:00-ден 22:00-ге дейін және демалыс күндері 23:00-ге дейін. Өз конькиімен келгендер үшін сырғанау тегін. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!