Алматыда тағы бір көше учаскесі уақытша жабылады

Алматыда жөндеуге байланысты Сейфуллин даңғылының учаскелері біраз уақытқа жабылады, – деп хабарлайды Massaget.kz тілшісі.

Жөндеу жұмыстарын жүргізуге байланысты Сейфуллин даңғылы учаскелерінің қозғалысына уақытша шектеулер енгізіледі.

1 УЧАСКЕ: 24 қыркүйекте сағат 23.00-ден 06.00-ге дейін Тобаяқов көшесінен Сейфуллин-Жансүгіров жолайрығына дейін көлік қозғалысы жабылады. Айналма жол Радищев, Тобаяқов және Жансүгіров көшелерімен қамтамасыз етіледі.

2 УЧАСКЕ: 25 қыркүйекте сағат 23.00-ден 06.00-ге дейін қозғалыс Ақпаев көшесінен Рысқұлов даңғылына дейін жабылады. Айналма жол Ақпаев пен Жансүгіров көшелерімен қамтамасыз етіледі.

Жөнделетін учаскелерде ескерту белгілері, мердігер ұйым басшысының байланыс ақпараты бар стендтер қойылады. Маршрутты алдын ала жоспарлауды ескертеді. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!