Алматының Медеу ауданында 13 заңсыз дүңгіршек сүрілді, - деп хабарлайды Massaget.kz тілшісі қала әкімдігінің баспасөз қызметіне сілтеме жасап.
2025 жылы 20-27 қаңтар аралығында 13 сауда нүктесінің иесіне нысандарды өз еркімен бұзу туралы хабарламалар жіберілген. Соның нәтижесінде олардың 9-ын өздері, ал қалған 4 нысанды әкімдік сүрген.
"6 күрделі құрылыс нысанына қатысты әрі қарай шаралар қабылдау үшін мемлекеттік органдарға өтініш жіберілді", - деп жазылған хабарламада.
4 ақпаннан бастап қала бойынша 300-ден аса нысан мен 222 ойын аппараты жойылды. 32 капиталды нысанға қатысты сотқа талап-арыз жолданғаны айтылды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова