Алматыда революционер Әліби Жангелдиннің ұлы қайтыс болды
![Алматыда революционер Әліби Жангелдиннің ұлы қайтыс болды](/userdata/news/news_84069/image_l.jpg)
Алматыда қазақтың танымал революционері Әліби Жангелдиннің ұлы Шыңғыс Жангелдин қайтыс болды, - деп хабарлайды Massaget.kz тілшісі.
Шыңғыс Жангелдин 24 мамырда қайтыс болды. Оның ұлы Әлібидің айтуынша, өліміне өкпенің қабынуы себеп болған. Шыңғыс Жангелдин ғалым, кәсіподақ қызметкері болған.
Шыңғыс Жангелдин 1943 жылы Әліби Жангелдин мен Софья Кенжинаның (Қазақ АКСР оқу және сауда халық комиссары, Алаш Орданың бұрынғы көсемі, 1938 жылы репрессияға ұшыраған Аспандияр Кенжиннің қызы) отбасында дүниеге келген.
Ол Қазақ мемлекеттік университетінің биология факультетін бітіргеннен кейін зертханада микробиолог болып жұмыс істеп, Қазақ КСР Ғылым академиясы Ботаника институтының Маңғышлақ экспедициясының Өзен отрядында инженер болды. Танымал қазақстандық микробиолог Шамис Давид Лазаревичтің (белгілі қазақстандық жазушы Морис Симашконың әкесі) аспирантура туралы ұсынысына қарамастан, 1967 жылы ол Камчаткаға Тынық мұхит балық шаруашылығы және мұхиттану институтына (ТИНРО) жұмысқа кетіп, зертхананы басқарды. 70-жылдардың ортасында отбасылық жағдайға байланысты туған жеріне оралып, Казсовпрофта (кәсіподақ кеңесі) еңбек жолын бастады. Дінмұхамед Қонаевтың жолдамасымен 1984 жылы Мәскеуге КПСС Орталық Комитеті жанындағы Қоғамдық ғылымдар академиясына оқуға жіберілді. Қайта құру кезінде Қазақстандағы кооператив жұмысшыларының тұңғыш дербес кәсіподағын құрып, оны басқарды.
Шыңғыс Қазақстан тарихындағы белгілі тұлға Әліби Жангелдиннің кенже ұлы болды. Әліби Жангелдин Амангелдінің әріптесі Имановпен бірге Ақтөбе, Қостанай және басқа облыстарды қамтыған 1916 жылғы халық-азаттық көтерілісін ұйымдастырушылардың бірі болған еді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек