Алматыда Медеуге баратын жолдың бір бөлігі жөндеуге жабылады
Фото:
Tengrinews.kz/ Әлихан Сәриев
Алматыда "Медеу" БТСК-не барар жолдың бір бөлігі түнде жөндеуге жабылады, - деп хабарлайды Massaget.kz тілшісі.
Жөндеу жұмыстарын жүргізуге байланысты Керей-Жәнібек хандары көшесінде көлік қозғалысына уақытша шектеу енгізіледі.
5 қыркүйек сағат 23:00-ден 6 қыркүйек 06:00-ге дейін Samal қонақ үйінен - селден қорғау құрылымдары мен "Экобекет" аялдамасына дейінгі аумақта қозғалыс жабылады.
Айта кетейік, осы көшенің тағы 2 шақырымын жөндеу жоспарланған. Жабылатын күні мен уақыты қосымша хабарланады.
Жөнделетін аумақта ескерту белгілері, мердігер ұйым басшысының байланыс нөмірі жазылған стендтер қойылады.
Қызықты жаңалықтар мен видеоларды көру үшін TikTok арнамызға жазылыңыз!
С. Сатыбалдина