Алматыда мемлекеттік жерді озбырлықпен басып алған кәсіпкер жерге орналастыру бөлімінің инспекторына шабуыл жасады, - деп хабарлайды Massaget.kz тілшісі.
Желіде Алматыда болған төбелестің видеосы тарады. Ондағылардың бірі жер инспекторы екені айтылған.
Ауыл шаруашылығы министрлігінің баспасөз қызметі оқиғаның 22 шілдеде болғанын хабарлады.
"Тексеріс қорытындысы бойынша А.-ға қатысты ӘҚБтК-нің 136-бабы бойынша шара қолданылып, 21 маусымда бір ай мерзіммен аталған павильонды бұзу туралы ұйғарым шығарылды. Кәсіпкер бұйрықты орындаудың орнына бөлім инспекторына пышақпен шабуыл жасаған", - деп хабарлады министрлік.
Департамент қызметкері ауруханаға жатқызылды. Оның пышақ жарақаттары жоқ.
Аптаның басты оқиғалары мен пайдалы видеоларды көру үшін YouTube арнамызға жазылыңыз