Алматыда полицейлер қарауылшы жасақтың көлігінен қашып кеткен тұтқынды ұстады, - деп хабарлайды Massaget.kz тілшісі.
Осы жылы желтоқсан айының басында Алматы полициясы қарауылшы жасақтың көлігінен қашып кеткен ер адамға іздеу жариялады. 18 желтоқсан күні криминалдық полиция қызметкерлері Алматы облысында іздеуде жүрген азаматты ұстады.
"Алматының криминалдық полиция қызметкерлері жедел-іздестіру шаралары барысында Алматы облысы аумағында іздеуде жүрген, айдауылдау көлігінен қашып кеткен К.Е.Аубакриді ұстады", - делінген хабарламада.
Күдікті бөтеннің мүлкін ұрлағаны үшін ұсталған.
Қазіргі уақытта қашып кету дерегі бойынша сотқа дейінгі тергеу амалдары жүргізіліп жатыр.
Еске салайық, Алматы полициясы 4 желтоқсанда қарауылшы жасақтың (конвой) көлігінен қашып кеткен ер адамды іздестіріп жатқанын хабарлаған еді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!