Алматыда карантин әлі жалғасады
![Алматыда карантин әлі жалғасады](/userdata/news/news_62305/image_l.jpg)
Алматы қаласының Қоғамдық денсаулық басқармасының басшысы Тілеухан Әбілдаев коронавирус инфекциясы басталғаннан бері қалада бұл вирусқа 2499 адамның шалдыққанын айтады.
Қазіргі уақытта стационарлық емдеуде 1038 адам жатыр, оның 56-сы – балалар.
- 304 науқастың жағдайы шамалы ауыр, ал 22-сінің жағдайы қиын, 4-еуі хал үстінде жатыр. Қалғандарының жағдай қалыпты. Соған қарағанда коронавирус жұқтырғандардың көбі ауру белгілерінсіз жүре беретін көрінеді, - дейді Әбілдаев.
Кеше Алматыда 76 адам сауығып шықты. Бүгін 30 адам ауруханадан шығарылады. Пандемия басталғаннан бері қалада 1451 азамат аурудан жазылып шыққан.
- Қаладағы карантин режімі әлі сақталады. Сондықтан тұрғындардың абай болғаны, әлеуметтік арақашықтықты сақтап, тазалық шараларын жасағаны жөн, - дейді бас қоғамдық дәрігер.
Айта кеткен жөн, 31 мамырдағы жағдай бойынша, Қазақстанда бір күннің 476 адам коронавирус жұқтырған.
Қ. Слямбек