Алматыда Төле би және Қазыбек би көшелерінің кейбір бөлігі уақытша жабылады, - деп хабарлайды Massaget.kz тілшісі.
Қала күніне орай өтетін мерекелік іс-шараларға байланысты Төле би және Қазыбек би көшелерінің Абылай хан даңғылынан Назарбаев даңғылына дейінгі бөліктерінде көлік қозғалысы уақытша шектеледі.
Шектеу 17 қыркүйек сағат 15:00-ден 21 қыркүйек сағат 03:00-ге дейін күшінде болады.
Бұдан бөлек, 17 қыркүйек сағат 22:00-ден 21 қыркүйек сағат 24:00-ге дейін Төле би көшесінің Назарбаев даңғылынан Абылай хан даңғылына дейінгі бөлігі толық жабылады.
"Осыған байланысты №16, 37, 48, 126, 201, 205, 206, 209, 210 және 224-автобус бағыттарының қозғалыс сызбасы уақытша өзгереді", - деді әкімдік өкілдері.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова