Алматыда жылу қашан ажыратылады?

Алматы әкімдігі өкілдері қалада жылыту маусымы қашан аяқталатынын айтты, - деп хабарлайды Massaget.kz тілшісі.

Қала әкімдігінің баспасөз қызметі мәліметінше, Алматыда жылыту маусымы жыл сайын гидрометеорологиялық қызмет бес күн ішінде тіркеген орташа тәуліктік температура +8 градустан жоғары болғаннан кейін аяқталады.

Тұтынушыларды жылудан ажырату мынадай кезекпен жүзеге асырылады:

• әкімшілік ғимараттар, оқу орындары, театрлар;
• тұрғын үйлер, жатақханалар, қонақүйлер;
• балалар, емдеу мекемелері, мектептер, кәсіптік мектептер, медициналық-әлеуметтік мекемелер.

Алайда кейінірек әкімдік 10 сәуірден бастап жылу кезең-кезеңімен өшірілетінін хабарлады.

Қызықты жаңалықтар мен видеоларды көру үшін TikTok арнамызға жазылыңыз!