Алматыда 2026 жылдың аяғына дейін "Қалқаман" метро бекетін пайдалануға беру жоспарланып отыр, - деп хабарлайды Massaget.kz тілшісі.
Бұл туралы Мәслихат отырысында Алматы қаласы Экономика және қаржы басқармасының басшысы Бауыржан Құдайбергенов мәлімдеді. Сондай-ақ, биыл "Қалқаман" бекетінен "Барлық" бекетіне дейінгі метро желісінің құрылысы басталған.
"Метро желісін одан әрі кеңейту үшін "Жібек жолы" бекетінен әуежайға дейінгі екінші желінің жобалау-сметалық құжаттамасы әзірленеді. Жол инфрақұрылымы саласында Рысқұлов даңғылын қала шекарасына дейін, Мұқанов көшесін Гоголь көшесінен Райымбек даңғылына дейін және Райымбек даңғылын Шығыс айналма жолға дейін ұзарту жұмыстары жалғасады", - деді ол.
Жыл соңына дейін Ақжар және Теректі шағынаудандарындағы жол құрылысын аяқтау да жоспарланған.
Сондай-ақ, "Батыс қақпа" полиорталығында жолдар мен инженерлік коммуникациялар құрылысы жалғасады.
Қызықты жаңалықтар мен видеоларды көру үшін TikTok арнамызға жазылыңыз!