Әлеуметтік желіде көлік жүргізушісінің жақын жерде келе жатқан көлікке оқ атқаны түсірілген видео тарады. Оқиға Алматыда болды, – деп хабарлайды Massaget.kz тілшісі.
Кадрда екі көліктің жолда параллель келе жатқанын көруге болады. Бір кезде қара Hyundai көлігінің жүргізушісі жағынан мылтық ұстаған қол шығып, көрші көлікке оқ атылады. Жанжалдың себебі белгісіз.
Алматы полиция департаменті оқиғаға қатысушылардың ұсталғанын хабарлады.
"Осы факті бойынша Жетісу ауданының полиция басқармасы тексеру жүргізіп жатыр. Мән-жай анықталып жатыр", – деп хабарлады ведомство.
Аптаның басты оқиғалары мен пайдалы видеоларды көру үшін YouTube арнамызға жазылыңыз