Алматыда жер сілкінісінен кейін метро жұмыс істеп тұр ма?

Алматыда жер сілкінісінен кейін метро жұмыс істеп тұр ма? Алматы метрополитен өкілдері жауап берді, - деп хабарлайды Massaget.kz тілшісі.

Алматы метрополитенінің баспасөз қызметі мәліметінше, метро тоқтаған жоқ, штаттық режимде жұмыс істеп тұр.

Еске салайық, бұған дейін алматылықтар жер сілкінісін сезгені хабарланды.

Кейінірек ТЖМ мәлімдеме жасап, бүгінгі жер сілкінісінің ошағы Қазақстан аумағында, Алматы қаласынан шығысқа қарай 33 шақырым жерде орналасқанын хабарлады.

Алматыда 3 балл, Талғарда 4 балл, Есікте 4 балл, Түргенде 3 балл, Өтеген батырда 3 балл, Боралдайда 2 балл, Маловодныйда 2 балл, Ж.Қайыповта 2 балл, Алатауда (Жетіген) 2 балл, Қарасайда (Қаскелең) 2 балл болып сезілді.

Жер сілкінісі қатты сезілген Талғардағы жағдай қандай?

Өзекті жаңалықтарды өз уақытында оқу үшін Facebook парақшамызға жазылыңыз!