Алматыда жауынның салдарынан екі ауданды су басты

Алматыда бүгін, 8 тамызда аз уақытта жауған жауынның салдарынан Алмалы және Наурызбай аудандарында бірнеше жерді су шайған, - деп хабарлайды Massaget.kz тілшісі.

Алматы әкімдігі баспасөз қызметінің хабарлауынша, екі ауданда да су тасқыны дер кезінде жойылды. Қазіргі уақытта барлығы бақылауда.

Алмалы ауданында қысқа мерзімді су тасқыны учаскеде жүргізіліп жатқан жол-жөндеу жұмыстарына және арық желілеріне жаңбыр суын жіберетін су бұру саңылауларының уақытша болмауына байланысты болған. Жөндеу жұмыстары аяқталғаннан кейін шекаралардың саңылаулары жасалады.

"Наурызбай ауданының әкімдігі "Алма сити" ТК су тасқынын жою бойынша жедел жұмыс жүргізді. 18.50-де "RBS Дорстрой" ЖШС мердігерлік ұйымының және қызмет көрсететін компанияның күшімен су басу жойылды. Көше желілеріне қосылған ТК аумағынан су бұру мәселесі пысықталып жатыр", - делінген хабарламада.

Жалпы, "Қазселденқорғау" мәліметтері бойынша, тау өзендері бойынша жағдай тұрақты. Анықталған учаскелер бойынша аудан әкімдіктерінің коммуналдық қызметтері жұмыс істейді.

Еске салсақ, Алматыда кешенді тексеру кезінде тұрақты су басу учаскелері анықталды. 2023-2024 жылдары 201 шақырым арық желілерін арық желілерін модернизациялау аяқталады, 100 шақырым жаңа арық желілері салынады, 46 тұрақты су басу учаскелері жойылады. 

Instagram парақшамызға жазылып, ең қызықты ақпараттарды бірінші болып оқыңыз!