Алматыда полицейлер Жаңа жыл түні жасалған ұрлықты ашты, - деп хабарлайды Massaget.kz тілшісі.
Әуезов ауданында үш ер адам пәтер иелері жоқтығын пайдаланып, үйге заңсыз кірген. Күдіктілер цифрлық және шағын тұрмыстық техниканы, алтын зергерлік бұйымдарды, сондай-ақ, ақшаны қолды еткен.
Келтірілген материалдық шығынның жалпы сомасы 3 миллион теңгеден асады.
"Жедел іздестіру іс-шаралары нәтижесінде күдікті үш адам анықталып, барлығы ұсталды. Тергеу барысында ұсталғандардың екеуі бұған дейін бөтеннің мүлкін ұрлау дерегі бойынша қылмыстық жауапкершілікке тартылғаны белгілі болды. Бұл оқиғаға қатысты соталды тергеп-тексеру жүргізіліп жатыр. Күдіктілер уақытша ұстау изоляторына қамалды", - деді Алматы Полиция департаменті криминалдық полиция басқармасының бастығы Асхат Даулетияров.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова