Алматыда жаңа автобус бағыты іске қосылады

Алматыда Нұршашқан шағынауданы тұрғындарына жаңа тұрақты автобус бағыты ұйымдастырылды, - деп хабарлайды Massaget.kz тілшісі.

№91 бағыттағы автобус Нұршашқан шағынауданы – Алматы-2 теміржол вокзалы» бағыты бойынша 13 желтоқсаннан бастап қатынайды. Бұл бағытты "Алматыэлектротранс" ЖШС "Golden Dragon" маркалы газбен жүретін автобустарымен қамтамасыз етеді.

Күн сайын 12 автобус жолға шығады, қозғалыс аралығы - 12 минут.

Еске салайық, бұған дейін Алматыдан Қаскелең мен Ұзынағашқа қатынайтын жаңа автобус пайда болғаны хабарланды. 

Өзекті жаңалықтарды өз уақытында оқу үшін Facebook парақшамызға жазылыңыз!