Алматыда Халыққа қызмет көрсету орталықтары жұмысын бастады

Фото: zakon.kz

11 қаңтар 2022, 10:36

Алматы қаласындағы Халыққа қызмет көрсету орталықтары 11 қаңтардан бастап ашық. Бұл жайлы ҚР Цифрлық даму, инновация және аэроғарыш өндірісі министрлігінің баспасөз қызметі хабарлады.

"Алматы қаласындағы ХҚКО жұмысын бастады. Тек көші-қон қызметі, төлқұжат пен куәлік рәсімдеу қызметтері жұмыс істемейді. Халыққа қызмет көрсету орталықтары сағат 09.00-ден 18.00-ге дейін жұмыс істейді", - делінген ақпаратта.

Бірақ Алматы қаласындағы Арнайы ХҚКО жұмыс істемейді. Өйткені әкімшілік полиция қызметі қазір басқа міндеттерге жұмылдырылған.

Сондай-ақ, Алматы облысындағы халыққа қызмет көрсету орталықтары да жұмыс істеп тұрған жоқ.

Қ. Слямбек