Алматыда ер адам жасөспірімді пышақтады: іс неге қысқартылды?

Полицейлер Алматыда жасөспірімге жасалған шабуылға қатысты қылмыстық іс неліктен әкімшілік іске ауыстырылғанын түсіндірді, - деп хабарлайды Massaget.kz тілшісі.

Алматы полиция департаментінің баспасөз қызметі өкілдері мас ер адамның екі жасөспірімге шабуыл жасап, бірін пышақтағаны туралы істің тергеуі туралы айтты. Күдікті ұсталып, полицияға жеткізілді.

"Сот-медициналық сараптаманың қорытындысын ескере отырып, қылмыстық іс тоқтатылып, материал кінәліні әкімшілік жауапкершілікке тарту үшін бөлек өндіріске жіберілді. Түрксіб аудандық прокуратурасы мұнымен келісті", - деді полиция қызметкерлері.

Алайда қазір полиция департаменті Алматы прокуратурасына қылмыстық істі тоқтату туралы қаулының күшін жойып, тергеуге жіберу туралы ұсыныс енгізген.

Еске салайық, оқиға 2024 жылғы 15 мамырда болған. Жәбірленуші мен досы мопедті жөндеп жатқан. Олар үйлердің бірінің маңынан өтіп бара жатқанда, мас ер адам оларды тоқтатқан. Жанжал туындап, салдарынан ер адам жасөспірімдердің бірінің иығына пышақ сұғып алған.

Аптаның басты оқиғалары мен пайдалы видеоларды көру үшін YouTube арнамызға жазылыңыз