Алматыда былтыр күзде жоғалып кеткен 15 жастағы қыз тірі екен
![Алматыда былтыр күзде жоғалып кеткен 15 жастағы қыз тірі екен](/userdata/news/news_106721/image_l.png)
Фото:
instagram/volontery_almaty_lider.kz
Алматыда былтыр күзде жоғалып кеткен 15 жастағы қыз тірі болып шықты. Бұл туралы LIDER.KZ еріктілері Instagram-дағы парақшасында жазды, - деп хабарлайды Massaget.kz тілшісі.
Коваленко Валерия Денисовна, 2009 жылы туған, 2023 жылғы 24 қарашада жоғалып кеткен. Ол сағат 23:00 шамасында Іле ауданы Боралдай ауылы Әзербаев көшесі, 102 үй мекенжайындағы үйінен шығып кеткен. Содан бері оның қайда екені беймәлім болды.
Еріктілердің айтуынша, жоғалған адам осы жылы сәуір айында табылған. Қыздың нақты қайдан табылғаны және басқа да деректер әзірше айтылмады.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лұқпан