Алматыда бүгіннен бастап жылу беріледі
![Алматыда бүгіннен бастап жылу беріледі](/userdata/news/news_73322/image_l.jpg)
Алматыда бүгіннен бастап жылу беріледі, - деп хабарлайды Massaget.kz тілшісі қала әкімдігінің баспасөз қызметіне сілтеме жасап.
Жылыту маусымы басталған күн метеорологиялық болжам мен Алматыдағы ауа райының күнделікті мониторингі негізінде анықталған.
"Тұтынушыларды жылумен жабдықтау мына кезек бойынша кезең-кезеңмен жүзеге асырылады:
- балабақшалар, емдеу орындары, мектептер, кәсіптік мектептер, медициналық-әлеуметтік мекемелер;
- тұрғын үйлер, жатақханалар, қонақүйлер;
- әкімшілік ғимараттар, оқу орындары, театрлар;
- басқа ғимараттар", - делінген әкімдік хабарламасында.
Сонымен қатар, көппәтерлі тұрғын үйлерді жылумен қамтамасыз ету процесі басталған. Жылу желілері жылу энергиясын баланс шектеу шекарасына дейін (үйге кіреберіске дейін) жеткізеді. Басқарушы компания, ПИК, ОСИ үйге кіреберістегі параметрлерді тексеріп, үй ішіндегі жылумен жабдықтау жүйесін қосуы керек.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова