Алматыда аялдамада зейнеткерді аяусыз соққыға жыққан ер адам қамауға алынды. Бұл туралы полиция мәлімдеді, - деп хабарлайды Massaget.kz тілшісі.
Полицияның мәліметінше, сот санкциясымен 26 жастағы ер адам қамауға алынған.
"Тергеу органы қамауға алу туралы өтініш білдірді, прокуратура мен сот бұл өтінішті қолдады", - деді ведомство өкілі.
Еске салайық, бұған дейін Алматы тұрғыны әлеуметтік желіде Бостандық ауданындағы аялдамада 66 жастағы анасына ер адам шабуыл жасап, оны аяусыз ұрып-соққаны туралы жазба жариялады.
Жазба авторының айтуынша, ер адам ешкім жоқ сәтті күтіп, 66 жастағы әйелге шабуыл жасаған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова