Алматыда автобустар жаңартылып жатыр

Алматыда қалалық маршруттарда автобустар жаңартылып жатыр, - деп хабарлайды Massaget.kz тілшісі қалалық әкімдіктің баспасөз қызметіне сілтеме жасап. 

Әкімдік мәліметінше, 31 тамыздан бастап №38, 38а және №37 маршруттарына жаңартылған 18 метрлік 60 автобусты желіге шығару жоспарланып отыр. Бұған дейін жылжымалы бірліктердің жетіспеушілігіне байланысты бұл бағыттардағы қозғалыс аралығы 40 минутқа дейін жеткен. Автобустардың жаңартылуымен қарбалас уақытта жүріс жиілігі 6-7 минутқа дейін азаяды.

Айта кету керек, босатылған автобустар №201 маршруттың жылжымалы құрамын ауыстыратын болады.

Осылайша, №201 маршрутта 24 бірлік 18 метрлік автобус қызмет көрсетеді. Осыған дейін бұл маршрутта қозғалыс аралығы 15 минутқа дейінгі уақытты құрайтын, жылжымалы бірліктерді күшейтумен қозғалыс аралығы 7 минутқа дейін азаяды деп күтілуде.

Естеріңізге сала кетейік, Алматыда биыл коммуналдық автопарк 600 газ автобусы мен 100 троллейбус сатып алып жатыр.

100 автобус қалаға келді және құжаттарының ресімделуіне қарай желіге шығарылып жатыр. Бұған дейін №24 және №125 маршруттардың жылжымалы бірліктері жаңартылған болатын.

Әкімдік мәліметінше, қалған автобустарды жыл соңына дейін қалаға жеткізу жоспарланып отыр.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!