Алматыда автобус метро бекетіне соқтығысты, - деп хабарлайды Massaget.kz тілшісі.
Оқиға орнынан видео әлеуметтік желіде тарады.
"Қаскелең автобус паркі" ЖШС тасымалдаушы компаниясының ақпараты бойынша, 28 желтоқсанда таңғы сағат 7:30 шамасында 78-маршруттың жүргізушісі шығыс бағыттағы "Б.Момышұлы метро станциясы" терминалында көліктерге соғылып, метроның жерасты өткеліне соқтығысқан.
"Бұл оқиға бойынша зардап шеккендер жоқ. Автопарк басшылығы уәкілетті органмен - Алматы қаласының Полиция департаментімен бірлесіп, қолданыстағы заңнама шеңберінде шаралар қабылдайды", - деді Алматы қаласы Қалалық мобильділік басқармасы өкілдері.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!