Алматыда сенбіде қазақстандық әнші, композитор әрі танымал әндердің авторы Кирилл Ли 62 жасқа қараған шағында өмірден өтті, - деп хабарлайды Massaget.kz тілшісі.
Өнер иесінің қайтыс болғанын Мәжілістің бұрынғы депутаты Тәңірберген Бердоңғар әлеуметтік желідегі парақшасында хабарлады. Ол әншінің бейнежазбасын да жариялаған.
Instagram-дағы бұл жарияланымды көру
Кирилл Ли 1990-жылдары және 2000-жылдардың басында кеңінен танымал болды. Оның ел арасында кең тараған әндерінің қатарында "Карина", "Дождь", "Милашка-малолетка", сондай-ақ, Алматыға арналған "Алма-Ата" әнұраны бар.
2002 жылдан бастап әнші теледидар экрандарынан сирек көріне бастаған. Кейін болашақ жарымен танысып, екеуі сахнада бірге өнер көрсеткен.
Денсаулығына байланысты сахнадан кеткен соң Кирилл Ли жарнама және продюсерлік саламен айналысқан. Дегенмен ән жазуды тоқтатпаған.
Instagram парақшамызға жазылып, ең қызықты ақпараттарды бірінші болып оқыңыз!
Massaget.kz