Алматыда алғашқы көпдеңгейлі муниципал паркинг пайда болады
Фото:
elements.envato.com
Алматы әкімі Ерболат Досаев қалада алғашқы көпдеңгейлі муниципал паркинг пайда болатынын айтты, - деп хабарлайды Massaget.kz тілшісі Алматы әкімдігінің баспасөз қызметіне сілтеме жасап.
Бұл туралы ол Бостандық ауданының тұрғындарымен кездесуде мәлімдеді.
"Алдыңғы кездесулердің бірінде аудан тұрғындары "Көктем-3" шағынауданында аяқталмаған паркинг құрылысына қатысты мәселе көтерді. Ұлттық банк бұл нысанды қаланың балансына берді. 267 тұрақ орнына арналған алғашқы көпдеңгейлі муниципал паркингтің құрылысы биылдың аяғына дейін аяқталады", - деді қала әкімі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек