19 ақпанда таңғы сағат 08:25 шамасында Алматының Әуезов ауданында қойма өртенді, - деп хабарлайды Massaget.kz тілшісі.
Алматы ТЖД мәліметінше, қойма өртеніп, өрт жанында тұрған үш қабатты әкімшілік ғимараттың шатырына көшкен.
"Өрт сөндіру бригадалары оқиға орнына 08:30-да жетті. Суды үздіксіз жеткізу үшін өрт сөндіру пойызы жұмылдырылды, жедел штаб құрылды, әкімшілік ғимаратты сөндіру және қорғау үшін оқпандар енгізілді, автоцистерналар өрт гидранттарына орнатылып, су үздіксіз жеткізілді", – деді ведомство өкілдері.
Сондай-ақ, оқиға орнында өрт сөндіру штабы құрылған.
"Зардап шеккендер туралы ақпарат 112-ге түскен жоқ", - деп мәлімдеді құтқарушылар.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова