Алматыда жексенбіде Gran Fondo World Championship жарысына байланысты әл-Фараби даңғылында көлік қозғалысы уақытша шектеледі, - деп хабарлайды Massaget.kz тілшісі.
16 тамызда Алматыда әуесқойлар мен ардагерлер арасында велоспорттан Gran Fondo World Championship өтеді. Осыған байланысты әл-Фараби даңғылының кейбір жерінде көлік қозғалысының сызбасы уақытша өзгереді:
- Сағат 05:30-дан 06:40-қа дейін әл-Фараби даңғылының Достық даңғылынан Талғар тасжолына дейінгі бөлігінде көлік қозғалысы уақытша шектеледі.
- Сағат 05:30-дан 10:30-ға дейін Достық даңғылынан Науаи көшесіне дейінгі бөлікте көлік қозғалысы уақытша шектеледі.
Сурет: Алматы әкімдігі
"Бұл шаралар қауіпсіздікті қамтамасыз ету мақсатында енгізіледі. Жүргізушілерден өзгерістерді ескеріп, жол жүру бағытын жоспарлау сұралады", - деді әкімдік өкілдері.
Айта кетейік, жарысқа 20-дан аса елден 1000-ға жуық әуесқой спортшы қатысады. Қатысушылар 95, 50 және 37 шақырым бойынша сынға түседі.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова