Алматыда электроника мен тұрмыстық техника сататын Sulpak компаниясының жеткізу қызметкерлері өз жұмысын істеуден бас тартып, наразылыққа шықты, - деп хабарлайды Massaget.kz тілшісі Tengrinews.kz-ке сілтеме жасап.
Әлеуметтік желілерде Sulpak желісінің 100-ге жуық қызметкері Алматыда ереуілге шыққаны туралы ақпарат пайда болды. Олар жалақы бонустарын есептеуге наразы екенін айтты.
Sulpak компаниясының маркетинг жөніндегі директоры Константин Иванюк ақпаратты ішінара растады. Ол бүгін жеткізу қызметінің 40-50 қызметкері өздерінің лауазымдық міндеттерін орындаудан бас тартқанын хабарлады.
"Компания осы қызметкерлермен байланысып және жағдайдың шешімін іздеп жатыр", - деді ол.
Компания мәліметінше, қызметкерлердің негізгі талабы ақпандағы жалақының азаюы болған. Иванюк мұны тапсырыстар санының төмендеуіне байланысты деп түсіндірді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!