Алматыда 9 жастағы қызға бір уақытта үш операция жасалды

Алматыда 9 жастағы қызға бір уақытта үш операция жасалды, - деп хабарлайды Massaget.kz тілшісі "Астана" телеарнасына сілтеме жасап. 

15-16 наурызда Алматының №2 қалалық балалар клиникалық ауруханасында белгілі ресейлік хирургтар Максим Вавилов пен Тимур Торноның бірігіп "Микрохирургия арқылы аяқ-қолдың туа біткен және жүре пайда болған ақауларын жедел емдеу" атты шеберлік дәрісі өтті. Соның аясында сирек кездесетін аяқ-қол патологиясы бар 8 қазақстандық балаға бірегей операция жасады.

Алматы №2 қалалық балалар клиникалық ауруханасының директоры Марат Рабандияровтың айтуынша, дәріс аясында 60 бала тексерістен өтіп, оларға ем-дом тағайындалды, 8 балаға ота жасалды. 

Қонаев қаласының тұрғыны 9 жастағы Адинаға бір мезетте екі дәрігерлер бригадасы аяққа, қолға және мойын сүйегіне үш бірдей операция жасады. Науқасқа "оң жақ гемипарез, церебрал сал ауруы" диагноз қойылған. 

"Бала жоспарлы түрде қабылданды, отадан 4 күн бұрын қыз оң иығымен құлаған. Олар тұрғылықты жері бойынша травматикалық пунктке жүгініп, оған оң жақ бұғанасының ортаңғы үштен бір бөлігінің жабық сынуы деген диагноз қойылды. Дезо гипсі қолданылады. Осыған байланысты оң қолға ота жасау мәселесі туындады. Тексеруден кейін екі дәрігер тобы бір уақытта аяққа, бұғанаға, жіліншікке және саусаққа бірлескен "симультантты" ота жасау туралы шешім қабылдады: оң жақ бұғананың жабық остеосинтезі, шынтақ жіліктік жүйкенің қозғалтқыш талшықтарының селективті нейротомиясы; сіңірлердің транспозициясы; оң жақ асықасты буынының артроэрезі, - деді Алматы №2 ҚБКА травматолог дәрігері Ұлжан Солтанбекова. 

Қазір Адинаның жағдайы жақсы, тәуір болып қалды.

Осы шеберлік дәрісі аясында жасалған операцияларда күрделі микрохирургиялық тәсіл қолданылды.

"Микрохирургтардың миссиясы, оған бірден жүгінудің қажеті жоқ, ол басқа әдістер көмектеспеген кезде қолданылады. Жарақаттан кейін ақаулар бар, олардың барлық ортопеді мен травматологы кез келген тәсілмен жабуға тырысады, жергілікті тіндермен тартады, бұл "бос тері пластикасы" немесе "қайталама жазылу" деп аталады. Егер ештеңе көмектеспесе, онда сіз бос тері кесіндісі арқылы емдеп, қан тамыр айналасын тігуіңіз керек. Бұл ретте, ештеңені жарақаттамау деген ауыр міндет тұр", - деді хирург Тимур Торно. 

Аптаның басты оқиғалары мен пайдалы видеоларды көру үшін YouTube арнамызға жазылыңыз