Алматыда 17 жасар қыз жол апатынан мерт болды
![Алматыда 17 жасар қыз жол апатынан мерт болды](/userdata/news/news_77587/image_l.png)
26 қаңтарда түнде Алматыдағы Сүйінбай даңғылының бойында №13 әскери қалашық маңында жол-көлік оқиғасы болды, - деп хабарлайды Massaget.kz тілшісі.
"BMW көлігінің жүргізушісі даңғыл бойымен оңтүстікке қарай келе жатқан. Шамасы жүргізуші рөлге ие бола алмай қалған. Көлік сырғанап, ағашқа соғылды. Содан кейін инерциямен шам бағанасына соқтығысты", - деді Алматы полиция департаментінің ресми өкілі Салтанат Әзірбек.
2004 жылы туған жүргізуші ауыр жарақат алған. Оны жедел жәрдем бригадасы 4-қалалық ауруханаға жеткізген. Ал 17 жастағы жолаушы алған жарақаты салдарынан оқиға болған жерде мерт болды.
Қазір бұл деректі тергеумен Алматы полиция департаменті анықтау басқармасының қызметкерлері айналысып жатыр.
Посмотреть эту публикацию в Instagram
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан