Алматы орталығындағы атыс: зардап шеккендердің жағдайы белгілі болды
![Алматы орталығындағы атыс: зардап шеккендердің жағдайы белгілі болды](/userdata/news/news_90086/image_l.jpg)
Дәрігерлер Алматының бизнес орталығында атыс кезінде зардап шеккендердің жағдайы туралы айтты, - деп хабарлайды Massaget.kz тілшісі.
Қалалық денсаулық сақтау басқармасы өкілдерінің мәліметінше, орталық қалалық клиникалық ауруханаға екі науқас түскен.
Ауруханаға түскен бірінші науқастың сол аяғының төменгі жағында оқ жарақаты болған. Бас миының жарақаты, маңдай сүйегінің басылуы секілді белгілер де болған. Ол нейрохирургия бөлімшесіне жатқызылды. Қазір жағдайы бірқалыпты, басына ота жасауға дайындық жүргізіліп жатыр.
Екінші науқас ауруханаға іш қуысының оқ жарақатымен ауыр жағдайда қабылданған. Оң қолына оқ тиген. Іш қуысындағы қан кетуді тоқтату үшін шұғыл ота жасалған. Қазір ол хирургия бөлімінде, жағдайы ауыр, тұрақты.
Еске салайық, 3 қыркүйекте сағат 00:30 шамасында Әл-Фараби-Назарбаев көшелері қиылысындағы "Сансет" мекемесінде атыс болған. Бетперде киген төрт адам оқ жаудырған. Бұл деректі Бостандық аудандық Полиция басқармасындағылар тіркеп, тексеру жүргізіп жатыр.
Өзекті жаңалықтарды өз уақытында оқу үшін Facebook парақшамызға жазылыңыз!
Б. Жұмаділлә