Алматы облысының тауларында үш адам адасып кетті

Жастар Алматы облысындағы тауларға көтеріліп, өз бетінше түсе алмай қалған. Құтқарушылар көмекке келді, - деп хабарлайды Massaget.kz тілшісі.

15 және 20 жастағы екі жас жігіт, сондай-ақ 21 жастағы қыз Қырғауылды ауылының тауларына шығып, қайтар жолда күн батып соқпақтан адасып, өздігінен түсе алмай қалған. Оқиға 20 шілдеде кешке болды.

View this post on Instagram

A post shared by @roso_kazakhstan

Адасқандар ұялы телефонның көмегімен "112" нөміріне қоңырау шалып, орналасқан жерін жібере алды.

ТЖМ республикалық жедел-құтқару жасағының құтқарушылары жоғалғандарды олардың координаттары бойынша тауып, қауіпсіз жерге алып барып, туыстарына тапсырды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!