Алматы облысының полициясы мас күйінде көлік жүргізу фактілерінің алдын алуды күшейтті

Осы жылдың алғашқы 10 айында Алматы облысында ЖПҚБ және патрульдік полиция батальонының қызметкерлері көлік құралдарын мас күйінде басқарудың 622 жағдайын анықтады. Бұл алаңдатарлық статистика, әсіресе мас жүргізушілердің қатысуымен осы кезеңде 37 жол-көлік оқиғасы болғанын ескерсек. 

Алматы облысының полициясы мас күйінде көлікті басқару жай ғана құқық бұзушылық емес, жүргізушінің өзі де, жол қозғалысына қатысушылардың да өмірі мен денсаулығына қауіп төндіретін қылмыс екенін ескертеді. Мас күйінде көлік жүргізу кезінде жүргізуші өзіне, жолаушыларына және айналасындағыларға қауіп төндіреді.

Жол-көлік оқиғаларын азайту және өмірді сақтау үшін әр жүргізушінің көлік жүргізу жауапкершілігін есте ұстаған жөн. Полиция жол қозғалысының барлық қатысушыларын саналы болуға шақырады: "жолдарда абай болыңыз, өзіңізге және жақындарыңызға қамқорлық жасаңыз. Рульді мас күйінде басқару-қылмыс!"

Материалды Алматы облысының ішкі саясат басқармасы ұсынды

Қызықты жаңалықтар мен видеоларды көру үшін TikTok арнамызға жазылыңыз!