Алматы облысының әкімдігі бұрын казино болған ғимаратқа көшті
![Алматы облысының әкімдігі бұрын казино болған ғимаратқа көшті](/userdata/news/news_76240/image_l.jpg)
Алматы облысы әкімдігінің аппараты Қонаев қаласындағы жаңа ғимаратқа көшті. Бұрын ол жерде казино болған, - деп хабарлайды Massaget.kz тілшісі.
"Алматы облысының әкімдігі Индустриальная көшесі 16/4 мекенжайы бойынша әкімшілік ғимаратты жалға алады", - деді әкімдіктің баспасөз қызметі өкілдері.
Бұл ғимаратта бұрын Royal Plaza ойын мекемесі болған.
"Оның жабылғанына біраз болған және меншік иесі ғимаратты кеңсеге арналған әкімшілік ғимаратқа ауыстырды", - деді баспасөз қызметі өкілдері.
Еске салайық, сәуірде Алматы облысының әкімдігі "Фламинго" казиносын уақытша жалға алатыны туралы хабар тараған болатын. Алайда ол кезде әкімдік өкілдері бұл ақпаратты жоққа шығарған еді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина