Алматы облысында ұлттық киім киген белсенділер референдумда дауыс берді

Алматы облысы Ұйғыр ауданының жастары референдумда азаматтық белсенділік танытты, – деп хабарлайды Massaget.kz тілшісі Алматы облысы әкімдігінің баспасөз қызметіне сілтеме жасап.

Шонжы ауылындағы алаңға ұлттық киіммен келгендер халыққа мерекелік көңіл күй сыйлады.

"Олардың киім таңдауының өзіндік сыры бар. Осылайша, жастар Қазақстан халқының бірлігі мен алуан түрлілігін, әрбір азаматтың ел өміріне қатысуының маңызын көрсеткісі келді", – деп жазылған хабарламада.

Белсенділердің айтуынша, ұлттық киімдер еліміздің бай тарихы мен мәдениетін бейнелейді. Жастардың жалт-жұлт еткен қызылды-жасылды киімде келуі нағыз мерекелік көңіл күй тудырды. Айналасындағылар оларды жылышыраймен қарсы алды.

"Жастардың басты мақсаты – өзгелерді ел өміріне араласуға тартып, әрбір дауыстың маңызды екенін көрсету. Жарқын киім мен жақсы әсер дауыс беру үшін келгендердің барлығына ұмытылмас сәт сыйлады", – деп жазылған хабарламада.

Еске салайық, 2 қыркүйекте Президент Қасым-Жомарт Тоқаев Қазақстанда атом электр станциясының құрылысын салу мәселесі бойынша референдум өткізу туралы Жарлыққа қол қойды. Қазақстан АЭС-ке қатысты референдумды өткізуге 15,5 миллиард теңге жұмсайтыны хабарланды.

Кейінірек Орталық сайлау комиссиясының төрағасы Нұрлан Әбдіров Қазақстанда АЭС салу бойынша өтетін референдумда бір ғана сұрақ қарастырылатынын айтты.

АЭС салу референдумы қалай өтеді?

Сондай-ақ Қазақстанда АЭС салуды қолдау жөніндегі халықтық штаб құрылды.

АЭС бойынша референдум: бюллетеньде не жазылады?

Өңірлердің АЭС құрылысы бойынша референдумға дайындығы қандай?

Энергетика министрлігі өкілі Massaget.kz-ке берген сұхбатында Қазақстан АЭС құрылысын жүргізетін елге тәуелді болмайтынын мәлімдеді.

Дауыс беретін учаскені анықтауға арналған нұсқаулықпен мына жерден таныса аласыздар.

Айта кетейік, Қазақстан заңнамасына сәйкес, референдум – маңызды мәселелер бойынша жалпыхалықтық дауыс беру. Оны "Республикалық референдум туралы" Конституциялық заң реттейді, ал ұйымдастырумен арнайы құрылған комиссия айналысады.

Референдум бойынша дауыс беру бүгін, 6 қазанда сайлау учаскелерінде сағат 07:00-ден 20:00-ге дейін өтеді. Бұл ретте 80-нен аса учаске өз жұмысын 06:00-де бастады. Республика бойынша дауыс беруге арналған 10 000-нан аса учаске бар. Шетелде Сеул мен Токиода учаскелер бірінші ашылды.

Жергілікті атқарушы органдар республика бойынша дауыс берушілердің тізіміне 12 миллион 244 мың 683 азаматты енгізді.

Instagram парақшамызға жазылып, ең қызықты ақпараттарды бірінші болып оқыңыз!