Алматы облысында қонақүйлердің бірінен өзбекстандық әйелдің денесі табылды
![Алматы облысында қонақүйлердің бірінен өзбекстандық әйелдің денесі табылды](/userdata/news/news_82350/image_l.jpg)
Алматы облысындағы Қарасау ауданындағы қонақүйлердің бірінде 26 жастағы өзбекстандық әйелдің денесі табылды, - деп хабарлайды Massaget.kz тілшісі ПД баспасөз қызметіне сілтеме жасап.
Ведомство мәліметінше, 20 сәуірде сағат 14.25-те қайғылы оқиға туралы полицияға хабар түскен.
"Қылмыстық құқық бұзушылық Қылмыстық кодекстің 99-бабы 1-бөлігі - "Адам өлтіру" бойынша Қарасай ауданының ЕҚДБ-да тіркелді. Аса ауыр қылмыс жасады деген күдік бойынша жүргізілген тергеу әрекеттері мен жедел-іздестіру іс-шаралары бойынша 34 жастағы ер адам ұсталды. Қазіргі уақытта күдіктіге қатысты "қамауда ұстау" бұлтартпау шарасы санкцияланды", - дейді облыстық ПД басшысы, полиция полковнигі Бауыржан Әленов.
Қылмыстық іс бойынша тергеу Департамент басшылығының бақылауына алынған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина