Алматы облысында жер сілкінісі болды
![Алматы облысында жер сілкінісі болды](/userdata/news/news_34193/image_l.jpg)
Фото:
tn.kz
Алматы облысында магнитудасы 4,4-ке тең жер сілкінісі болды, - деп хабарлайды Tengrinews.kz тілшісі ҚР БҒМ Ғылым комитетінің Сейсмологиялық тәжірибе-әдістемелік экспедициясына сілтеме жасап.
Жерасты дүмпулері 6 қарашада Астана уақыты бойынша сағат 05.28-де Алматы облысының аумағында тіркелді. Жер сілкінісінің ошағы Алматыдан солтүстікке қарай 251 шақырым қашықтықта болды. Зілзаланың энергетикалық класы - 9,4, тереңдігі - 10 шақырым. Зардап шеккендер туралы ақпарат жоқ.
Еске сала кетейік, бұған дейін де Алматы облысында магнитудасы 4,1-ге тең жер сілкінісі болды. Жерасты дүмпулері 27 қазанда Астана уақыты бойынша сағат 06.36-да тіркелді. Жер сілкінісінің ошағы Алматыдан солтүстік-шығысқа қарай 263 шақырым қашықтықта болған еді.