Алматы облысында жеңіл көлік пен жүк көлігі соқтығысып төрт адам қаза тапты
![Алматы облысында жеңіл көлік пен жүк көлігі соқтығысып төрт адам қаза тапты](/userdata/news/news_103831/image_l.jpg)
Алматы облысында жеңіл көлік пен жүк көлігінің соқтығысуы салдарынан төрт адам қаза тапты. Бұл туралы облыстық Полиция департаментінің баспасөз қызметі мәлім етті, - деп хабарлайды Massaget.kz тілшісі КТК телеарнасына сілтеме жасап.
"23 наурызда сағат 13.45 шамасында Алматы-Астана тасжолының 35-шақырымында ауыр салмақты DAF көлігі мен Daewoo жеңіл көлігі жол-көлік оқиғасына ұшыраған. Жол апаты салдарынан үш адам оқиға орнында көз жұмды. Сондай-ақ, екі зардап шегуші жақын маңдағы ауруханаға жатқызылды, олардың бірі есін жимастан қаза болған", - делінген хабарламада.
ПД мәліметінше, қазіргі уақытта жол-көлік оқиғасына қатысты сараптама тағайындалып, барлық қажетті тергеу әрекеттері жүргізіліп жатыр.
"Мұндай оқиғалардың алдын алу үшін облыс тұрғындары мен қонақтарын жол қозғалысы ережелерін қатаң сақтауды сұраймыз", - деп қосты полицейлер.
Өзекті жаңалықтарды өз уақытында оқу үшін Facebook парақшамызға жазылыңыз!
Д. Шәріпхан