Алматы облысында полицейлер жазасын өтеу шартын бұзған қылмыскерді ұстады, - деп хабарлайды Massaget.kz тілшісі.
18 желтоқсанда облыстық ұйымдасқан қылмысқа қарсы күрес басқармасының полицейлері "құқықтық тәртіп" жедел алдын алу іс-шарасы аясында Талғар ауданы Бәйтерек ауылының 47 жастағы тұрғынын ұстады.
"Құрықтау бұрын Алматы облыстық сотының үкімімен тағайындалған бас бостандығын шектеу түріндегі жазаны өтеу шарттарын бұзумен байланысты. Пробациялық бақылау шарттарын сақтамағаны үшін сот жазаны бас бостандығынан айыруға ауыстырды. Қазіргі уақытта ұсталған адам Қонаев қалалық полицияның уақытша ұстау изоляторына қамалды", - деп хабарлады ведомствода.
Еске салайық, 2022 жылы ер адамды бопсалау дерегі бойынша сот 3,5 жылға бас бостандығынан айырды. Сонымен қатар жаза сотталушыны пробация қызметінің есебіне қоюды қамтыды.
Аптаның басты оқиғалары мен пайдалы видеоларды көру үшін YouTube арнамызға жазылыңыз