Алматы облысында жас жігіт жалған банкноттарды айырбастамақ болған

Ақмола облысында жалған банкноттарды айырбастауға әрекеттенген жағдай тіркелді, - деп хабарлайды Massaget.kz тілшісі.

27 қараша күні облыстың бір ауданындағы Халық банкінің филиалында 21 жастағы жас жігіт кәдесый ретінде дайындалған жалған қаражатты айырбастамақ болған. Қырағы банк қызметкерлері күмәнді банкноттарды байқап, дереу құқық қорғау органдарына хабарлады. Тексеру нәтижесінде жігіт жалпы сомасы 1 мың АҚШ доллары болатын 10 жалған купюраны айырбастауға тырысқаны анықталды.

Қазіргі уақытта банкноттардың шығу тегі мен түпнұсқалығын анықтау мақсатында сараптама тағайындалды.

Қазақстан Республикасы Қылмыстық кодексінің 231-бабына сәйкес жалған ақша немесе бағалы қағаздарды дайындау, сақтау, өткізу немесе ауыстыру үшін 5 жылға дейін бас бостандығынан айыру жазасы қарастырылған. Егер қылмыс топпен ұйымдастырылып, ірі көлемде немесе бірнеше рет жасалса, мүлкі тәркіленіп, жаза мерзімі 10 жылға дейін ұзартылуы мүмкін. Ал ұйымдасқан қылмыстық топ үшін бұл мерзім 12 жылға дейін ұлғаяды.

Өзекті жаңалықтарды өз уақытында оқу үшін Facebook парақшамызға жазылыңыз!