Алматы облысында экскаватор жүргізушісі өзенге аударылып кеткен
Алматы облысында экскаватор жүргізушісі өзенге аударылып кеткен, - деп хабарлайды Massaget.kz тілшісі ТЖМ баспасөз қызметіне сілтеме жасап.
Оқиға Райымбек ауданында болған. Қатты жауын-шашын салдарынан жүргізуші көлікті басқара алмай, экскаватордың жолдан өзенге қарай аударылып кеткен.
Құтқарушылар ер адамға саты беріп, жоғары көтерілуге көмектесті. 1972 жылы туған ер адам медициналық көмекке мұқтаж емес.
Төтенше жағдай орын алған кезде 112 нөміріне хабарласыңыз.
Қызықты жаңалықтар мен видеоларды көру үшін TikTok арнамызға жазылыңыз!
С. Сатыбалдина