Алматы облысында басқарма маманының пара алғаны әшкере болды
![Алматы облысында басқарма маманының пара алғаны әшкере болды](/userdata/news/news_76042/image_l.jpg)
Сыбайлас жемқорлыққа қарсы қызмет департаменті "Артспорт" бағдарламасы бойынша жан басына шаққандағы қаржыландыру бағдарламасын тексергеннен кейін Алматы облысы Дене шынықтыру және спорт басқармасының бас маманы сотталды, - деп хабарлайды Massaget.kz тілшісі "Пятый регион" басылымына сілтеме жасап.
"Департамент Алматы облысы Дене шынықтыру және спорт басқармасының бас маманын Artsport мемлекеттік бағдарламасын жүзеге асыруда орындалған жұмыс актілеріне кедергісіз қол қою және серіктестік қызметіне жалпы қамқорлық жасағаны үшін жалпы сомасы 400 000 теңге пара алғанын әшкереледі", - делінген Антикор хабарламасында.
Бұл жағдайда маман мен кәсіпкерге қомақты айыппұл салынған.
"Қонаев қалалық сотының үкімі бойынша, бас маманға 12 миллион теңге, ал кәсіпкерге 8 миллион теңге көлемінде айыппұл салынды", - делінген ведомствоның баспасөз хабарламасында.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан