Алматы облысында 3 жасар қыз із-түзсіз жоғалып кеткен
![Алматы облысында 3 жасар қыз із-түзсіз жоғалып кеткен](/userdata/news/news_103503/image_l.jpg)
Алматы облысында із-түзсіз жоғалған үш жасар қыз 24 сағаттан аса уақыт бойы іздестіріліп жатыр, - деп хабарлайды Massaget.kz тілшісі.
Бала 17 наурызда түстен кейін Еңбекшіқазақ ауданы, Күш ауылында жоғалып кеткен. Қыздың анасы полицияға кешке хабарласқан. Ауданда арнайы іздеу тобы құрылып, жоғалған баланы іздеуге жергілікті тұрғындар да қосылды.
"Полицияға Куш ауылының 40 жастағы тұрғыны хабарласып, 17 наурызда сағат 16:00 шамасында үш жасар қызы үйінен шығып кетіп, қайтып оралмағанын айтты. Бұл дерек дереу аудандық полиция бөліміне тіркелді. Арнайы жасақ инспекторлары, кинологтар, жергілікті ПБ және жедел бөлім қызметкерлерінен арнайы іздестіру тобы құрылды. Қазір арнайы дайындалған иттер арқылы ауқымды іздестіру шаралары жүргізіліп жатыр", - деді Алматы облыстық полиция департаментінің басшысы Бауыржан Әленов.
Жоғалған қыз. Алматы облысы ПД баспасөз қызметі ұсынған сурет
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек