Алматы облысынан Қарағанды облысының шекарасына дейінгі жол жабылды

Жамбыл облысында қолайсыз ауа райына байланысты көлік қозғалысы шектелді, - деп хабарлайды Massaget.kz тілшісі.

Шектеу 2024 жылғы 30 желтоқсан сағат 22:30-дан бастап енгізіледі.

"Жамбыл облысында ауа райының бұзылуына байланысты Екатеринбург - Алматы автожолының 2005-2214 шақырым аралығында (Алматы облысының шекарасынан Қарағанды облысының шекарасына дейін) автокөліктердің барлық түрінің қозғалысына шектеу қою жоспарланған", - делінген хабарламада.

Сонымен бірге Қарағанды облысында ауа райының бұзылуына байланысты Екатеринбург - Алматы автожолының 1993-2005 шақырым аралығында (Сарышаған ауылынан Жамбыл облысының шекарасына дейін) автокөліктің барлық түрінің қозғалысы шектелетінін хабарлады.

Жолдарды 31 желтоқсан сағат 03:00-де ашу жоспарланған. 

Компания 1403 байланыс орталығына хабарласып, тәулік бойы қосымша ақпарат алуға болатынын ескертті.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!