Алматы метросында жолаушының сөмкесінен оқ-дәрі табылды, - деп хабарлайды Massaget.kz тілшісі.
Полиция департаменті мәліметінше, Алатау станциясында жолаушының сөмкесін тексеру кезінде 5,45 миллиметр калибрлі екі оқ-дәрі анықталған.
"Көлік қауіпсіздігі қызметімен бірлесіп, рентген құрылғысы арқылы жүргізілген тексеріс барысында сөмкеден екі патрон тәркіленді. Жолаушы ұсталып, процессуалдық шешім қабылдау үшін Бостандық ауданының полиция қызметкерлеріне тапсырылды", - деп жазылған хабарламада.
Бұл дерек бойынша тергеу басталған. Қазір оқиғаның мән-жайы анықталып жатыр.
Посмотреть эту публикацию в Instagram
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова