Алматы метрополитенінің заңсыз әрекеті әшкере болды

Прокуратура метродағы сауда алаңдарын жалға алатын кәсіпкерлердің құқығын қорғады, - деп хабарлайды Massaget.kz тілшісі.

Көлік прокуратурасы Алматы қаласының "Метрополитен" ШЖҚ КМК қызметін талдау барысында кәсіпкерлердің құқықтарына нұқсан келтіретін бұзушылықтарды анықтады.

Атап айтқанда, метрополитен басшылығы салық шығындарын сауда алаңдарын жалға алушылар есебінен өтеуге шешім қабылдап, ол үшін оларды қосымша келісімдер жасауға мәжбүр еткен.

Прокуратураның қадағалау актісі бойынша салық төлемдерін жабу бөлігіндегі заңсыз талаптар келісімдерден алынып тасталды, ал кәсіпкерлерге 12,5 млн теңге қайтарылды. Бұл әрекеттерден барлығы 11 кәсіпкер зардап шеккен болатын.

Көлік прокуратурасы байланыстары БКП ресми сайтында орналастырылған кәсіпкерлердің құқықтарын қорғау жөніндегі мобильді топтарға жүгіну мүмкіндігіне назар аударады.

Аптаның басты оқиғалары мен пайдалы видеоларды көру үшін YouTube арнамызға жазылыңыз