Алматы көшелерінің бірі 2 түнге жабылады

Алматыда жөндеуге байланысты екі түнге "Медеу" БТСК-не дейінгі жол учаскесі жабылады, - деп хабарлайды Massaget.kz тілшісі әкімдіктің баспасөз қызметіне сілтеме жасап.

Жөндеу жұмыстарын жүргізуге байланысты Керей-Жәнібек хандары көшесінде қозғалысқа уақытша шектеу енгізіледі.

"28 тамыз сағат 06:00-ге дейін қозғалыс "Ақбұлақ" бұлағынан селден қорғау құрылымдары мен "Экопост" аялдамасына дейінгі учаскеде жабылады. Жабылатын учаскенің ұзындығы - 2,4 шақырым. Осы көшенің тағы 2 шақырымын жөндеу жоспарланған. Кейін жабылатын жол учаскелерінің күндері мен уақыты туралы қосымша хабарланады", - деп жазылған хабарламада.

Жөнделетін учаскеде ескерту белгілері, мердігер ұйым басшысының байланыс ақпараты бар стендтер қойылады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!